മോഡല്‍, നടി എന്നീ നിലകളിലൊക്കെ മലയാളികള്‍ക്കിടയില്‍ അറിയപ്പെടുന്ന താരമാണ് സൂര്യ ജെ മേനോന്‍.
ജനപ്രിയ റിയാലിറ്റിഷോ ബിഗ്‌ബോസില്‍ എത്തിയതോടെയാണ് സൂര്യയെ മലയാളികള്‍ ശ്രദ്ധിക്കുന്നത്.
ബിഗ്‌ബോസ് മലയാളം മൂന്നാം സീസണില്‍ ആയിരുന്നു സൂര്യ ജെ മേനോന്‍ മല്‍സരാര്‍ത്ഥി ആയി എത്തിയത്. ഈ സീസണിന്റെ അവസാനം വരെയും താരം ഹൗസിനുള്ളില്‍ പിടിച്ച് നിന്നിരുന്നു.
അടുത്തിടെ ഫ്ളവേഴസ് ചാനലിലെ ഒരു കോടി എന്ന ഷോയില്‍ പങ്കെടുത്ത് താരം പറഞ്ഞ് കാര്യങ്ങള്‍ ആണ് ഇപ്പോള്‍ വൈറലായി മാറുന്നത്.
അത്ര സുഖകരം ആയിരുന്നില്ല താന്‍ കടന്ന് വന്ന ജീവിതം എന്നും പല പ്രതിസന്ധികള്‍ വന്നപ്പോഴും തളര്‍ന്ന് പോയിട്ടുണ്ട് എന്നുമാണ് നടി ഒരുകോടിയില്‍ പങ്കെടുത്തപ്പോള്‍ പറഞ്ഞത്.
താന്‍ ജോലിക്കായി ദുബായില്‍ പോയപ്പോള്‍ ഉണ്ടായ ഞെട്ടിക്കുന്ന അനുഭവവും സൂര്യ ജെ മേനോന്‍ തുറന്നു പറഞ്ഞിരുന്നു.
സൂര്യയുടെ വാക്കുകള്‍ ഇങ്ങനെ…ആര്‍ജെ ആയിട്ടാണ് ദുബായില്‍ ജോലിക്ക് പോയത്, ഒന്നര വര്‍ഷത്തോളം അവിടെ ഉണ്ടായിരുന്നു.
അന്ന് എഫ്എമ്മില്‍ അറിയപ്പെട്ടിരുന്നത് സൂര്യ കിരണ്‍ എന്ന പേരിലാണ്. അത്യാവശ്യം നല്ല ശമ്പളം ഒക്കെ അവിടെ കിട്ടിയിരുന്നു, പക്ഷേ അമ്മയ്ക്ക് ചില ആരോഗ്യ പ്രശ്‌നങ്ങള്‍ വന്നതോടെ ആ ജോലി നിര്‍ത്തി വരേണ്ടി വന്നു.
പിന്നീട് ടൂറിസം മാനേജരായി വീണ്ടും ദുബായിലേക്ക് തന്നെ പോയി, അവിടെയും കുറച്ച് നാള്‍ വര്‍ക്ക് ചെയ്തു. പിന്നീട് ഇന്‍ഷ്വറന്‍സിലും ജോലി ചെയ്തിരുന്നു.
ദുബായില്‍ ആദ്യം പോയപ്പോള്‍ സ്വര്‍ഗത്തിലോ, അതോ സ്വപ്നത്തിലോ എന്ന പാട്ട് പാടി നടന്നത് പോലെ ആയിരുന്നു.
നല്ലൊരു അപ്പാര്‍ട്ട്‌മെന്റില്‍ സിംഗിള്‍ റൂമൊക്കെ കിട്ടി, ആഡംബരത്തോടു കൂടിയാണ് ജീവിച്ചത്. പക്ഷേ കുറച്ചുനാള്‍ കഴിഞ്ഞപ്പോഴെക്കും ജോലി പ്രതിസന്ധിയില്‍ ആയി.
അവിടുത്തെ ഓഫീസ് വരെ പൂട്ടേണ്ട സാഹചര്യമായി. അതോടെ അവിടുന്ന് മാറി, പിന്നെ തെരുവ് ഏരിയ എന്നൊക്കെ പറയുന്ന സ്ഥലത്തേക്കാണ് പോയത്.
അവിടെ പാവപ്പെട്ടവര്‍ ഒക്കെയാണ് കൂടുതലായും താമസിക്കുന്നത്, ശമ്പളത്തിന്റെ പ്രശ്‌നം കൊണ്ടാണ് അങ്ങോട്ട് മാറേണ്ടി വന്നത്, ഭക്ഷണം കഴിക്കാന്‍ പോലും പറ്റാതെ വന്നിട്ടുണ്ട്.
ഇടയ്ക്ക് ബില്‍ അടക്കാന്‍ പറ്റാതെ വരുമ്പോള്‍ ഉടമസ്ഥന്മാര്‍ വിളിക്കും. എന്നിട്ട് ഞങ്ങള്‍ റൂമിലേക്ക് വരട്ടേ, ഭക്ഷണം റെഡിയാക്കി വെച്ചോ എന്നൊക്കെ പറയും.
അങ്ങനെയുള്ള ഭീഷണികള്‍ ഒക്കെ നേരിടേണ്ടി വന്നിരുന്നു, പിന്നെ ഗതികെട്ട അവസ്ഥ വന്നപ്പോഴാണ് അമ്മയോട് വിളിച്ചിട്ട് ഇവിടെ നില്‍ക്കാന്‍ പറ്റില്ലെന്നും തിരിച്ചു വരണമെന്നും പറഞ്ഞതെന്നും സൂര്യ ജെ മേനോന്‍ വ്യക്തമാക്കുന്നു.
